Ayni paytda Ferkensco Management Ltd tomonidan agrokimyo majmuasi ob'ektlarini keng ko'lamli qurish ishlari olib borilmoqda, ular tarkibiga tog'-kon karerlari ham, ishlab chiqarish korxonalari ham kiradi. Hozirda, qurilish bosqichida, bu bizning biznesimiz uchun ham, jamiyatimiz uchun ham, butun mamlakat uchun yangi rivojlanish imkoniyatlarini ochib beradi.
Iqtisodiyotning, foydalarni faqat yuqori darajagacha o’stirish va xarajatlarni imkon qadar kamaytirishga qaratilgan va boshqa fundamental asoslarga ega bo‘lmagan uzoq muddatli global rivojlanishi tabiiy, ijtimoiy va ma’naviy muhitning jiddiy tanazzulga uchrashiga olib keldi. Atrof-muhit muammolari, global iqlim o'zgarishi, ijtimoiy va gender tengsizliklari -mamlakatlar, korporatsiyalar va odamlar duch keladigan tizimli global muammolardan faqat bir qismidir.
Buni anglagan holda, biz loyihalarimizni amalga oshirish uchun, katta mas'uliyatni o’z zimmamizga olamiz. Kompaniyaning rivojlanish strategiyasi va joriy faoliyatida 2015 yilda belgilangan Butun insoniyat taraqqiyoti maqsadlariga erishishga qaratilgan BMT Barqaror rivojlanish tamoyillariga, shuningdek, O‘zbekiston Prezidenti tomonidan belgilab berilgan Respublikamizning barqaror rivojlanish maqsadlariga amal qilishni mutlaq zarurat deb bilamiz.
Ayni paytda BMTning Barqaror rivojlanish maqsadlari 2030 yilga mo‘ljallangan, ya’ni shu vaqtga qadar biz barchamiz, ideal holda, ularni amalga oshirishimiz kerak. Birlashgan Millatlar Tashkilotining Barqaror rivojlanish maqsadlari hayotimizning deyarli barcha jabhalarini va har qanday yo‘nalishdagi tadbirkorlik faoliyatining barcha jabhalarini – ekologiya, ijtimoiy siyosat va, albatta, iqtisodiyotni qamrab oladi.
Ferkensco uchun barqarorlik, bu biznes yuritishda oqilona yondashuvdir. Biznes jarayonlarida, ishlab chiqarish yoki xizmat ko'rsatishning har bir bosqichida nafaqat foyda olish, balki faoliyatimiz mavjud bo'lgan hududlarda atrof-muhit va ijtimoiy dunyoga ta'siri haqida ham o'ylash kerak. Kompaniyamizning barqaror rivojlanish konsepsiyasi tamoyillari tizimli yondashuv, manfaatlar muvozanatini saqlash, uzoq muddatli samaraga e’tibor qaratishdan iborat. Biz o‘z harakatlarimizni bir lahzalik natijaga qarab emas, balki resurslardan uzoq muddatli, eng samarali foydalanish va ularni O‘zbekistonda qo‘shimcha qiymat yaratish jarayoniga to‘liq jalb etish asosida rejalashtirmoqdamiz.
Ayni paytda kompaniya tomonidan tegishli hujjatlar to‘plami – “Barqaror rivojlanish sohasidagi strategiya va siyosat”, har bir yo‘nalish bo‘yicha tadbirlar taqvimi ishlab chiqilmoqda, maxsus “Barqaror rivojlanish jamg‘armasi” tashkil etish uchun asos yaratilmoqda. Bunday tadbirlarni qo‘llab-quvvatlash uchun daromadlardan mablag‘ olish rejalashtirilgangan bo’lib, barqaror rivojlanish kontseptsiyasi qadriyatlariga ega bo‘lgan mahalliy va xorijiy kompaniyalar bilan qo‘shimcha hamkorlik yo‘lga qo‘yilmoqda.
Bizning avlodimiz bugungi kunda mavjud bo'lgan resurslardan shunday foydalanishi kerakki, bu resurslar kelajak avlodlar uchun ham mavjud bo'lib qolsin.

Timur Jo'raev